Cəlilabadda baş vermiş qanunsuz əməllər nə üçün ört-basdır olunur?

Ötən gün "DogruXeber.az" informasiya agentliyinin redaksiyasına Cəlilabad rayon Göytəpə şəhər,O.Eynullayev küçəsi ev 36 ünvanında yaşayan Kovalenko İvan İvanoviç oğlu tərəfindən maraqlı məlumatlar daxil olmuşdur. Məlumatlarda qeyd olunmuşdur ki,Göytəpə şəhərində Rafiq adlı sahibkar yerli məmurlarla əlbir olaraq bir neçə qanunsuz işləri həyata keçirir. Hətta Kavalenko İvanın sözlərinə görə,əslən Yardımlı rayonundan olan Abışov Rafiq Dilavər oğlu Göytəpə ərazisində çoxsaylı mülklərə sahiblik etməsinə baxmayaraq,vətəndaşlara məxsus daşınmaz əmlakını saxta yolla ələ keçirir.

Deyilənə görə,sahibkar Abışov Rafiq Dilavər oğlu yerli məmurların maddi maraqlarını təmin etməklə,Göytəpə şəhərinin Qurtuluş küçəsində,insanların istirahəti üçün nəzərdə tutulmuş böyük bir ərazini Həsənov Mirağa Mirağagül oğlunun adına rəsmiləşdirərək 231 kv/m sahəsi olan ticarət obyekti və yaşayış binası inşa etmək üçün,sənəd əldə etmişdir. Məlumat üçün bildirək ki,obyektin inşa olunması üçün nəzərdə tutulan ərazidə 15-dən çox böyük diametrlik sərf və müxtəlif cinsli ağacların olması xüsusi qeyd olunmuşdur. 

 

 

 

 

Əlbəttə ki,məlumat daxil olduqdan qısa müddət sonra,qeyd olunmuş məlumatların nə dərəcədə doğru olub-olmaması barədə Cəlilabad rayon Göytəpə şəhərinə səfər etdik. Deyilən əraziyə baxış keçirdiyimiz vaxt sözün əsl mənasında dəhşətə gəldik. İlk öncə şəhərin Qurtuluş küçəsində şəhər İcra nümayəndəliyinin inzibati binasının bir neçə addımlığında dibinə neft və mazut tərkibli yandırıcı maddə tökülən ağaclara baxış keçirdikdən sonra,əlindən daşınmaz əmlakının alındığını iddia edən Kavalenko İvanın mənzilində olduq. 

 

 

 

 

Şəxsin mülkünə dair bütün sənədlərlə tanış olduqdan sonra məlum oldu ki,Kavalenko İvanın ata mülkü sayılan və ərazisi 9 sot olan torpağın 2 sotu,əsası olmayan sənəd üzərindən saxta yolla alqı-satqı edilərək,R.Abışov adlı sahibkara satılıb. Təbii ki,vətəndaş buna etiraz edərək hüquqi qaydada aidiyyatı qurumlara müraciət edib. Amma təəssüflər olsun ki,yerli və regional məhkəmə orqanları,vətəndaşın haqlı tələbinə ögey münasibət göstərərək,iddiaçının tələbini icra etmirlər. 

 

 

 

 

 

Burada belə qənaətə gəlmək olur ki,yerli məmurlar sahibkarı müdafiə etdikləri üçün vətəndaşın hüquqlarını kobud şəkildə pozurlar. Bu məsələni növbəti buraxlışımızda geniş şəkildə diqqətinizə çatdıracağıq. Keçək məsələnin ən diqqət cəlb edən və maraqlı tərəflərinə. Əlbəttə ki,yuxarıda qeyd etdiyimiz kimi,şəhərin mərkəzi ərazisi  hesab olunan Qurtuluş küçəsində 231 kv/m sahəsi olan ticarət obyekti və yaşayış binasının tikilməsində maraqlı olan dövlət qurumları,böyük bir qanunsuzluğa imza atmış hesab olunurlar. 

 

 

 

 

Təbii ki,bu gün ölkənin bir çox ərazisində yaşıllıqlar məqsədli şəkildə məhv edilərək,şəxsi maraqlar naminə yerində binalar,şirkətlər və ticarət obyektləri inşa edilir. Bütün bu qeyd olunanların bariz nümunəsi olaraq,Göytəpə şəhər Qurtuluş küçəsini qeyd etməyi daha məqsədə uyğun hesab etmək olardı. Belə ki,sözügedən ərazidə biznes lahiyyələrin həyata keçirmək istəyən şəxs və yaxud şəxslər,ərazidə olan böyük diametrlik ağacları asan yolla yox etmək üçün,gecə ilə həmin ağacların dibinə neft tökdürərək,qurutmaq planını həyata keçiriblər. Yerli sakinlər tərəfindən böyük narazılığa səbəb olan hadisənin yerli icra nümayəndəsi Sabir Hüseynov tərəfindən ört-basdır olunması haqda böyük iddialar var.

 

 

 

 

Hesab edirik ki,törədilən hadisə cinayət xarakterli əməl olduğu üçün bu işi həyata keçirən şəxslər dərhal məsuliyyətə cəlb edilməlidir. Amma təəssüflər olsun ki,araşdırmalarımız zamanı müəyyən olundu ki,baş vermiş hadisə yerli məmurlar tərəfindən elə də ciddiyə alınmadığı üçün,hadisəni gizlətməyə çalışırlar. Elə bu məqsədlə hadisə yerində olduğumuz vaxt Ekologiya nazirliyinin 1 saylı Regional Ekologiya şöbəsi ilə əlaqə saxladıq. Qurumdan verilən məlumata görə 1 saylı Regional Ekologiya şöbəsinin əməkdaşları baş vermiş hadisə ilə bağlı həmin əraziyə baxış keçirib və ağacların dibinə tökülən maddədən analiz üçün nümunələr götürdüklərini bildiriblər.

 

 

 

Təbii ki, verilən cavab bizi qane etmədi və daha ətraflı məlumat əldə ətməyimiz üçün hadisə baş verən ərazinin bir neçə addımlığında yerləşən Göytəpə şəhər İcra nümayəndəliyinin inzibati binasında İcra nümayəndəsi Sabir Hüseynovun qəbulunda olduq. Diqqətinizə bir məlumatı çatdıraq ki,aldığımız məlumata görə S.Hüseynov bir neçə il öncə İcra hakimiyyətində mühüm vəzifədə çalışırmış. Hətta əldə etdiyimiz digər bir məlumatda oda qeyd olunur ki,S.Hüseynovun qardaşı Fizuli Hüseynov uzun illər Cəlilabad rayon Torpaq şöbəsinin müdiri vəzifəsində işləyib.Məsələnin maraqlı tərəfi burasıdır ki,sahibkar R.Abışov İcra nümayəndəsi Sabir Hüseynovun qohumudur. Təbii ki,R.Abışovla qohumluq əlaqələrinin olmasını,məhz Sabir Hüseynovla söhbət etdiyimiz vaxt özü bildirdi. 

 

 

 

 

Burada daha bir diqqət cəlb edən məqam budur ki,Sahibkar R.Abışovun əldə etdiyi hər iki sənədlər,məhz Sabir Hüseynovun İcra hakimiyyətində mühüm vəzifədə  çalışdığı dövrə təsadüf edir. 

 

 

 

 

 

Dəyərli izləyicilər,bütün baş vermiş hadisələrlə bağlı adları qeyd olunan S.Hüseynov və R.Abışovla etdiyimiz söhbətlərin hər birini növbəti buraxlışımızda diqqətinizə çatdıracağıq. Ardı var.. 

Bizi izləyin...!!