Son
günlərdə DTX-nin keçirdiyi xüsusi əməliyyatlar nəticəsində bir çox dövlət
qurumlarının səlahiyyətli şəxsləri saxlanılmışdır. İctimaiyyətin diqqətinə
çatdırılan məlumatlardan bəlli olur ki,səlahiyyətlərindən sui-istifadə edən məmurlar,fəaliyyətləri
zamanı xalqın rifahı naminə çalışmaq əvəzinə,rüşvətə üstünlük verərək
korrupsioner məmura çevriliblər. Təbii ki,ölkə Prezidenti cənab İlham Əliyevin
göstərişinə əsasən DTX-nın keçirdiyi uğurlu əməliyyatlar,cəmiyyət arasında yüksək
marağa səbəb olmuşdur.
Təəssüflə
qeyd etmək istəyirik ki,ölkədə keçirilən bu cür əməliyyatlardan hələ də nəticə
çıxarmayan məmurlarımız vardır. Belə ki,ötən bir neçə ay öncə DİN-i və Baş
Prokurorluğun birlikdə keçirdiyi əməliyyat zamanı,Ekalogiya və Təbii Sərvətlər
Nazirliyinin,Qəbələ regional meşə təsərrüfatının müdiri İlqar Qəribov və onun rəhbərlik
etdiyi mütəşəkkil dəstə saxlanılmışdır. Keçirilən əməliyyat zamanı böyük
korrupsiya əməlləri aşkar edilmişdir
Bu
gün isə diqqətinizə çatdıracağımız maraqlı məlumatlar,məhz yenə də Ekologiya və
TəbiiSərvətlər Nazirliyinin,Lənkəran 1 saylı Ərazi Üzrə Ekalogiya və Təbii Sərvətlər
şöbəsinin müdiri Rəfayıl Tahirov və Lənkəran regional meşə təsərrüfatının
direktoru Şahin Cəfərov barəsində olacaq. Kanal14.az informasiya agentliyinin
redaksiyasına sözügedən bölgədən xeyli sayda video faktlar daxil olmuşdur. Lənkaran,Lerik,Astara
meşələrində hələ də ağac soyqırımı davam etdirilir.
Qəbələ
regional meşə təsərrüfatının müdiri İlqar Qəribov və onun rəhbərlik etdiyi mütəşəkkil
dəstənin başına gələnlərdən nəticə çıxarmayan,Lənkəran 1 saylı Ərazi Üzrə Ekologiya
və Təbii Sərvətlər şöbəsinin müdiri Rəfayıl
Tahirov və Lənkəran regional meşə təsərrüfatının direktoru Şahin Cəfərov,bu cür
qanunsuz əməlləri təkrar etməkdə görünür ki,güvəndiyi şəxslər Lerik dağları
kimi hündür və cüssəlidir. Maraqlıdır, bəs görəsən bu şəxslər dövlətin
qanunlarını bu qədərmi yüngül hesab edirlər ki,meşələrin açıq-aşkar məhv
olunmasına şərait yaradırlar?
Əlbəttə ki,bu sual heç də əbəs yerə verilmir. Redaksiyamıza,Həşimov Salman Qəhrəman oğlu tərəfindən,Lənkəran,Lerik və Astara meşələrindən qanunsuz olaraq böyük diametirli nəhəng ağacların məqsədyönlü şəkildə kəsilərək,məhv edildiyini əks etdirən video kadrlar təqdim etmişdir. Həmin dəhşətli mənzərənin kiçik bir hissəsini aşağıdakı video çarxda diqqətinizə çatdırırıq. Hesab edirik ki,bu məlumat dərc olunduqdan sonra aidiatı orqanlar dərhal sözügedən ərazilərdə ciddi yoxlamalar keçirib,bu cür cinayət xarakterli əməlləri həyata keçirən və iştirak edən hər kəsi məsuliyyətə cəlb edəcəklər.
Nəzərinizə bir məlumatı da çatdıraq ki,S.Həşimovun sözlərinə görə Ekologiya və Təbii Sərvətlər Naziri cənab Muxtar Babayevin göstərişinə əsasən,yaxın ay ərzində həmin bölgələrdə yoxlama keçirilmişdir. Nazir müavini Firdovsi Əliyevin rəhbərliyi ilə həyata keçirilən yoxlama,sadəcə sənəd üzərində hər bir ərazinin yoxlanıldığı və çox kiçik bir hissədə qanunsuzluqları qeydə almaqla kifayətləniblər. Təəssüflər olsun ki,bu cür səthi yoxlama apararaq, Ekologiya və Təbii Sərvətlər naziri cənab Muxtar Babayevə yalnış məlumat verərək,heç bir nəticə əldə edə bilməyəcəklər.
Yaxşı demiş atalar "yalanla oğurluq qırx gün çəkər” bu isə hələ son deyil. Növbəti buraxlışlarımızda "Qəhrəmanlarımız”- R.Tahirov və Ş.Cəfərovun Lənkəran,Lerik və Astara meşələrində qanunsuz əməlllərini diqqətinizə çatdıracağıq. Hazırda isə kəsilən ağacların böyük əksəriyyəti 13 saylıda və 17-ci dolay Verialiyabad meşəsində qeydə alınmışdır.
P.S. Sözügedən ərazilərdə baş verənlər barədə məlumat əldə etmək üçün qarşı tərəflə telefon əlaqəsi yaratmağa çalışdıq. Təəssüflər olsun ki,Lənkəran 1 saylı Ərazi üzrə Ekologiya və Təbii Sərvətlər Şöbəsinin müdri R.Tahirovun iş otağının (025) 254 70 54 (012) 585 50 73 telefon nömrələrinə cavab verən olmadı.
Kanal14.az
Qarşı tərəfi dinləməyə hazırıq:
