Gündəm

Ermənilər bu dəfə Şuşa qalasının tarixi görkəmini dəyişmək istəyir

Ermənistanın işğal altındakı torpaqlarda Azərbaycanın milli-mədəni irsinə təcavüzü davam edir.

 Kanal14 xəbər verir ki Ermənistan KİV xəbərlərinə görə, bu dəfə Qarabağdakı qondarma rejim rəhbərliyi məşhur Şuşa qalasını təmir edəcəyini açıqlayıb.

Diaspor ermənilərinin ayırdığı ianə hesabına 2020-ci ildə Şuşa qalasının, Gövhər Ağa məscidinin, Hadrut rayonunun Çakuri kəndində "Çaxkavkank” məbədinin və s. təmiri nəzərdə tutulur.

Paralel olaraq, Laçın rayonu ərazisindəki "Mirik” qalasında da qazıntı işləri aparılacaq.

Xatırladaq ki, Qarabağ xanlığının tarixi mirası olan Şuşa qalası təmir adı ilə ənənəvi görkəmini itirə bilər. (modern.az)