Gündəm / Hadisə

Gültəkin Hacıbəyli qayınanasına 50 min dollar "atıb" — MƏHKƏMƏ İŞİ

Gültəkin Hacıbəyli qayınanasına 50 min dollar "atıb" — MƏHKƏMƏ İŞİ
 
 
 
 
 
 
 
 
 
 
 
 

 
 
 

Milli Şuranın Koordinasiya Mərkəzinin üzvü, keçmiş millət vəkili  Gültəkin Hacıbəyli ilə keçmiş qayınanası Nəhayət Məmmədovanın arasında pul və mülk davası ilə bağlı yeni detallar məlum olub.


Kanal14.az xəbər verir ki, keçmiş qohumlar arasında artıq uzun müddətdir ki, davam edən məhkəmə prosesinin səbəbi hələ evli olan zaman tərəflər arasındakı 50 min dollarlıq borc məsələsidir.


Səməd Vurğun küçəsi, 92A ünvanında yerləşən 12 saylı mənzili təmir etmək adı ilə G.Hacıbəyli qayınanasından qeyd olunan məbləğdə pul alıb. G.Hacıbəyli 2003-cü ildə N.Məmmədovanın oğlu ilə ailə həyatı qurub və elə həmin il qeyd olunan mənzil Bakı şəhər İcra Hakimiyyəti tərəfindən deputata hədiyyə edilib.


Lakin sonradan bəlli olub ki, alınan pul evin təmirinə xərclənməyib. Ümumiyyətlə, həmin mənzil təmir edilməyib və Hacıbəyli o evdə yaşamayaraq anasının yanına köçüb. Mənzil isə kirayə verilib. Baş verənlərdən xəbər tutan N.Məmmədova o zaman deputat olan G.Hacıbəylidən pulu geri qaytarmağı tələb etsə də, buna nail ola bilməyib və iş məhkəməyə qədər gedib çıxıb. Nəticədə Məmmədova borcu qaytarmaq üçün öz evini satmaq məcburiyyətində qalıb.


O da ortaya çıxıb ki, G.Hacıbəyli hələ deputat olarkən qayınanasını məhkəməyə verərək ondan 20 min manat pul almağa nail ola bilib. Xəbərə görə, o, N.Məmmədovanın evində qeydiyyata düşmək və ya əvəzində qeyd olunan məbləğdə kompensasiya  ödənilməsi ilə bağlı iddia qaldırıb. Maraqlıdır ki, məhkəmə deputatın iddiasını təmin edib və qayınana gəlininə əlavə olaraq 20 min manat da ödəməyə məcbur olub.


Bütün bu qalmaqalların baş verdiyi dövrdə millət vəkili prokurorluq orqanlarında işləyən keçmiş həyat yoldaşı Mahmud Mehdiyevin vəzifəsindən azad edilməsinə də nail olub.


Uzun müddət məhkəmə prosesləri bu gün də yekunlaşmayıb. Sonradan Nəhayət Məmmədovanın şikayəti əsasında Gültəkin Hacıbəyliyə məxsus "Lexus LX 570” və "Toyota Avalon” markalı iki bahalı avtomobilə həbs qoyulub.(Yeni Sabah)