kanal14.az
kanal14.az

Arif Əsgərovu ayağından asmaq ÇAĞIRIŞI…

Arif Əsgərovu ayağından asmaq ÇAĞIRIŞI…
12-12-2018, 10:03 130 dəfə baxılıb

Arif Əsgərovu ayağından asmaq ÇAĞIRIŞI…
 
 
 
 
 
 
 
 
 
 
 
 
 
 
 
 
 
"Azərbaycan Dəmir Yolları” Qapalı Səhmdar Cəmiyyətinin (QSC) sədri vəzifəsində çalışmış Arif Əsgərovun yaxın qohumları dövlət qurumlarından imdad dilədikləri bir vaxtda Müasir Müsavat Partiyasının sədri Hafiz Hacıyev sabiq məmur haqda olduqca kəskin çıxış edib. Hafiz Hacıyev Arif Əsgərovun ayağından asılmaqla var-dövlətinin əlindən alınmasını tələb edir.
 
H.Hacıyev deyib ki, Arif Əsgərov vəzifədə olarkən Azərbaycan dəmir yollarını bərbad duruma salıb və milyardlarla vəsait mənimsəyib: "Arif Əsgərov kimdir ki, onun milyonları var, mal-mülkləri olsun? Bu adam 1000-2000 manat maaş alıb. Təkcə Binəqədidə yan-yana 5 villası var. Maaşla həmin villanın 1-ni tikə bilməzdi. Bakı Ağır Cinayətlər Məhkəməsində Arif Əsgərovun yaxın qohumunun məhkəməsi gedir. Cavan bir uşağı qabağa veriblər, Arif Əsgərovun baldızı oğlunu. Həmin uşaq milyonlarla manat pulu ələ keçirə bilər? Bu dələduzluğun, korrupsiyanın arxasında Arif Əsgərov dayanıb. Bunu kim bilmir ki? Arif Əsgərovu, onun oğlu Elnar Əsgərovu dərhal həbs edib ayaqlarından asmaq lazımdır.
 
Bu gün Azərbaycanda çox qəribə bir proses yaşanır. Hərə büdcədən 3-4 milyard oğurlayır və işdən çıxıb gedib sakitcə pulu yeyir. Övladları, ailələri xaricdə, özləri də kef içində yaşayırlar. Arif Əsgərovla bağlı üzə çıxan faktlar onu göstərir ki, yeyib-dağıdıblar. Eyş-işrət içində yaşayırlar. Çətinliyə düşəndə də qohumlarını ayaq altına qoyub vəziyyətdən çıxmağa çalışırlar. Axı kim bir çobanın oğluna aparıb 5-10 milyon pul verər?
 
Məhkəmədə Elnar Əsgərovun verdiyi ifadəni oxuyursan, gülmək tutur. Adam öz xalası oğlunu tutdurur ki, ona dəyən olmasın. Xalası oğlu da bir çobanın oğludur. Tovuzda mal-heyvan saxlayan bir kişinin oğlu. Bu qədər də harınlıq, özbaşınalıq olmaz. Dövlətin malını da talan ediblər, üstəlik camaatdan da pul yığıb ciblərinə qoyublar. İndi də yetim-yesiri qabağa verib arxalarında gizlənirlər. Buna nail olmayacaqlar! Arif Əsgərovu, onun oğlunu da tutub ayaqlarından asıb topladıqları mal-mülkləri əllərindən almaq lazımdır. Onların offşorlara çıxardıqları pulları da, xaricdə aldıqları mal-mülkləri də müəyyən edib, satıb pulları büdcəyə qaytarmaq vaxtı çatıb. Niyə şəhid analarına 15 min manat verilməsi məsələsi uzanmalıdır? Arif Əsgərovun oğurladığı pulları əlindən alıb həmin ailələrə paylamaq lazımdır”.
 
Похожее изображение
"Arif Əsgərovun ayağından asılması Azərbaycanda nələri dəyişəcək” sualına Hafiz Hacıyev belə cavab verdi: "Hamı görməlidir ki, dövlətdən pul oğurlayanların aqibəti necə olur. Onun varı dövləti alınıb büdcəyə keçirilməlidir. Dövlət həmin villaları hərraca çıxarıb satmalı və elan etməlidir villanın satılmasından filan qədər pul əldə olunub büdcəyə daxil olundu. Xüsusi bir fond yaradılmalıdır. Məsələn "dövlət pulunu oğurlayanlardan alınmış əmlakların, pulların fondu” adlandırmaq olar. Həmin fondla aztəminatlı ailələrə, şəhid ailələrinə, valideynlərini itirmiş uşaqlara aylıq əlavə pullar ödənilə bilər.  Arif Əsgərovun şərab zavodu,  Novxanıda hər birinin dəyəri bir neçə milyon dollarla ölçülən 3 bağ evi, "Vorovski”də villaları, şəhərin mərkəzində yeni tikilmiş  binalarda 6 evi, Londonda, İstanbulda mülkləri, Azərbaycanın müxtəlif rayonlarında rezidensiyaları var. Bu adamın avtobioqrafiyasına baxın, görün Arif Əsgərov həyatı boyu 1-cı gün bizneslə məşğul olub? Daim büdcədən əmək haqqı alıb. Amma saysız-hesabsız mal-mülkə sahibdir. Arif Əsgərovu çağırıb soruşmaq lazımdır ki. bu qədər sərvət haradandır?”
 
Hafiz Hacıyev deyir ki, xaricə ölkələrə Arif Əsgərovun mal-mülkləri, bank hesabları ilə bağlı sorğu yazılmasının vaxtının çatdığını deyir: "Xaricdəki pulları və mülkləri müəyyən olunub üzərinə həbs qoyulmalıdır. Eldar Mahmudov kimi o da xaricə xeyli pul çıxarıb. Zamirə Hacıyeva o qədər pulu haradan alıb xərcləyib? Arif Əsgərov Londonda mülkləri hansı hesabdan alıb? Dünya təcrübəsinə müraciət edilməlidir və pullar xalqa, millətə qaytarılmalıdır”.
 
Qeyd edək ki, hazırda Bakı Ağır Cinayətlər Məhkəməsində Arif Əsgərovun baldızı oğlu Rahib Hüseynovun işi üzrə məhkəmə keçirilir. O, külli miqdarda pulu ələ keçirməkdə təqsirləndirilir. R.Hüseynov ittiham üzrə özünü təqsirli bilmir. Deyir ki, pulları müxtəlif vəzifəli şəxslərdən alan xalası oğlu Elnar Arif oğlu Əsgərovdur. O, sadəcə, alınan pulların hesabatını aparıb və həmin pullara görə ödənən faizləri verib. Arif Əsgərovun oğlu iş üzrə şahiddir və məhkəmədə xalası oğlunun üzünə qarşı ifadə verib. Rahib Hüseynov Elnar Əsgərovun yalan danışdığını, hesabat kitablarına əsasən pulların məhz Elnar Əsgərova çatdığını deyib.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA