kanal14.az
kanal14.az

Bu, Ermənistan rəhbərliyi üçün çox ağır olacaq - Baş prokuror

Bu, Ermənistan rəhbərliyi üçün çox ağır olacaq - Baş prokuror
17-10-2020, 10:44 57 dəfə baxılıb

Bu, Ermənistan rəhbərliyi üçün çox ağır olacaq - Baş prokuror
 
 
 
 
 
 
 
 
 

 
 
 

Ermənistan ordusu cəbhədə məğlubiyyətə uğradıqca çarəsizlikdən dinc əhaliyə qarşı hücumlarını daha da şiddətləndirir, intensivliyi artırır. Bu da onların acizliyindən xəbər verir.

Kanal14.az bildirir ki, bu sözləri Azərbaycanın Baş prokuroru Kamran Əliyev Gəncədə hadisə yerində jurnalistlərə açıqlamasında deyib.

Ermənistanın hərbi-siyasi rəhbərliyinin ağıllarını itirdiklərini vurğulayan Baş prokuror deyib: "Gəncənin yenidən raketlərlə atəşə tutulması bəşəriyyət əleyhinə, insanlıq əleyhinə çox ağır cinayətdir. Bu cinayətin həm hüquqi, həm də siyasi məsuliyyəti Ermənistan rəhbərliyi üçün çox ağır olacaq. Bu, artıq Ermənistan rəhbərliyi üçün aqoniyadır. Çünki onlar sonlarının başlanğıcını hiss etdikcə bu kimi addımlara əl atırlar”.

Kamran Əliyev qeyd edib ki, bu ağılsız addım Azərbaycanın dinc əhalisi arasında təşviş yaratmağa yönəlib. "Bu da alınan deyil. Mən oktyabrın 11-də yaşanan hadisə zamanı da Gəncəyə gəlmişdim. İndi də görürəm ki, Gəncə əhalisi çox qoçaq, mərddir, onları bununla qorxutmaq mümkün deyil. Bu, erməni vəhşiliyinin növbəti təzahürüdür. Hesab edirəm ki, bu da növbəti mərhələdir. Xalqımız bunu da ləyaqətlə yaşayacaq, keçəcək. Ümid edirəm ki, indi olduğu kimi, Qarabağda, döyüş bölgəsində qələbə axıradək bizimlə olacaq", - deyə Baş prokuror bildirib.

Qeyd edək ki, Ermənistan silahlı qüvvələri bu gecə saat 01:00 radələrində döyüş bölgəsindən tamamilə kənarda yerləşən Azərbaycanın ikinci böyük şəhəri olan Gəncəyə təcavüzkar tərəfindən raket zərbələri endirib. Nəticədə yaşayış evlərinə düşən raketlər həmin evləri tamamilə dağıdıb, sakinlər dağıntılar altında qalıb. İndiyədək dağıntılar altından xəsarət almış 40-dan artıq insan və 13 nəfərin meyiti çıxarılıb.

(Axar.az)






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA
Direktor: Ulduz Talıb oğlu
Telefon: (055) 219-23-96
E-mail: [email protected]
Ünvan: Yasamal rayonu Şəfayət Mehdiyev küçəsi 95

Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.