Qırğızıstan Mərkəzi Seçki Komissiyası (MSK) oktyabrın 4-də keçirilmiş parlament seçkilərinin nəticələrini etibarsız hesab edib.

Kanal14.az bildirir ki, bu barədə Komissiya üzvü Gulnara Curabayeva bildirib.

Onun sözlərinə görə, MSK-nın iclasında 12 səslə seçkilərin nəticələrinin ləğv olunması qəbul edilib.

Yaxın zamanlarda növbəti seçki tarixinin açıqlanması gözlənilir.

Qeyd edək ki, Qırğızıstanda 4 oktyabrda parlament seçkiləri keçirilib. Seçkinin nəticələri ilə razılaşmayan 12 siyasi partiya etiraz aksiyaları təşkil edib və Prezident Administrasiyası ilə parlament binasını ələ keçirib.