“Avroviziya 2019”un açarı Təl-Əvivə verildi
İsrailin Təl-Əviv şəhəri "Avroviziya 2019” musiqi müsabiqəsinin simvolu olan açarı Portuqaliyanın Lissabonundan təhvil alıb.
"Kanal14.az” xəbər verir ki, təntənəli mərasim "Avroviziya 2019”un Təl-Əvivdə baş tutan ilk rəsmi tədbiri sayılır. Mərasimdə Lissabonun meri Duarte Kordeyro açarı israilli həmkarı Ronu Xuldaiyə verib.
Təl-Əviv İsrailin ikinci ən böyük şəhəri və Aralıq dənizi sahilindəki ən məşhur kurort yerlərindəndir.
Qeyd edək ki, "Avroviziya 2019” mahnı müsabiqəsi mayda keçiriləcək.