Nikol Paşinyanın heykəlinin başını qoparıblar
Ermənistanın baş naziri səlahiyyətlərini icra edən Nikol Paşinyanın Vanadzor-Gümrü yolunun üstündə qoyulan heykəlinin başını qoparıblar.
"Report” "News.am”a istinadən xəbər verir ki, başsız heykəlin fotosu və videosu sosial şəbəkələrdə yayılıb.
N.Paşinyanın heykəli artıq tanınmaz hala düşüb. Abidənin başını kimin qopardığı məlum deyil.
Bundan əvvəl heykəlin ayağının bir hissəsi qoparılaraq oğurlanmışdı.
Qeyd edək ki, heykəl "Mənin addımım” adlanır. Bu, N.Paşinyanın Gümrüdən başlayan yürüşünün rəmzidir.