İrəvanda “1 mart” hadisələri ilə bağlı 2 general dindirilib
Ermənistanda "1 mart 2008-ci il” cinayət işi üzrə bağlı min nəfərdən çox şəxs istintaqa çağırılaraq ifadəsi alınıb.
Erməni mətbuatı xəbər verir ki, bunu jurnalistlərə açıqlamasında Ermənistan Xüsusi İstintaq Xidmətinin rəhbəri Sasun Xaçaturyan deyib.
Ancaq S.Xaçaturyan konkret olaraq adlar açıqlamayıb. Lakin "Joxovurd” qəzeti Xüsusi İstintaq Xidmətinə çağırılaraq ifadəsi alınan iki generalın adını açıqlayıb. Nəşr qeyd edib ki, ifadə verən şəxslər arasında sabiq polis rəisi, general Ayk Arutunyan və onun birinci müavini, general-leytenant Ararat Maxtesyan da var. (Azvision.az)
